VOV4.M’nông- Dơn nău jă kơlan răng dăng bâh Iran, nău ueh mhe tâm ăp nău nsrôih ndâk nsơm đăp mpăn ta Syria n’hanh nău ŭch ta trong tăch an dak bah dih ndơ sa bâh Ukraine. Aơ lah ăp nău dơi geh dŭt khlăy n’hanh lah nău mbơh răng dăng ma Tổng thống Nga Vladimir Putin njoăl tât phương Tây ta rơh tât khâl bôk năp ta Trung Đông n’hanh lah rơh tât khâl dak bah dih tal 2 kơp bâh ntơm geh rơh tâm rkeh ta Ukraine ntoh luh bâh dŭt khay 2 mhe nơh. Tĭng nău mbơh bâh Tổng thống Vladimir Putin, nău ueh mhe dơi geh an mbơh mô an tăch ngluh an dak bah dih ndơ sa bâh Ukraine lĕ nklơi jăng. Rơh tât khâl dak bah dih tal 2 bâh Tổng thống Putin kơp bâh rơh tâm rkeh đah Ukraine ntoh luh lĕ njoăl nău mbơh na nê̆ an lah nău nsrôih bâh phương Tây gay ma  nglah êng Nga lĕ mô dơi geh. Ndrel đah nĕ, ngoăy tâm âk nkô̆ mpŏng kan khlăy ngăn bâh Tổng thống Putin ta rơh hăn khâl Trung Đông aơ lah njêng du nău kan nsum ta nkual gay ma rdâng tay ăp nău tâm ton mât rnă njrăng ngih dak yor Mỹ ngluh mbơh đah ăp ngih dak ta nkual njônh dak lêng n’hanh Israel.

Nuĭh rblang: Thị Đoắt