VOV4.M’nông – Châu Âu dôl rdâng đah duh jêr ŭnh nar mô hŏ tă geh yor ntŭk tăch ndơ su bah Nga geh nking n’gang. Nău hao ŭnh nar dôl ntrôl jâng wăng sa geh tâm nău rhoăt ntêm nkrem ŭnh nar, bah meng ăp nău nsrôih joi ăp tu tơm tăch rdơn tay. Ăp ngih măy nhiệt điện sah ônh dơi rêh tay. Hang rmen đôlar dơi an ăp ndoh ndơ an luh gay wơt dơn khí hóa lỏng (LNG) bah Mỹ. Ăp kruanh n’hanh kruanh neh dak châu Âu na nao mpăr tât Qatar, Azerbaijan, Na Uy n’hanh Algeria gay nchăm ăp tâm ton ŭnh nar. N’hêl na nê̆, duh jêr ŭnh nar lĕ rêng ăp nău kan êng bah jâng wăng sa, ƀư prăk dŏng ngih măy hao âk n’hanh nkri ntrôl du đêt jâng wăng sa têh ngăn châu Âu tâp tâm nău roh rui. Tĭng Ủy ban châu Âu, ntêm nkrem ŭnh nar hôm e ngăch ngăn n’hanh thuk ngăn gay mkra nău duh jêr ŭnh nar aƀaơ hin.

Nŭih blang: Y Sưng Phê Ja