VOV4.M’nông- Kruanh Hạ viện Mỹ- wa bu ur Nancy Pelosi dôl geh rơh tât khâl ăp dak châu Á. Malaysia lah ntŭk rlu jâng tal 2 bâh wa Nancy Pelosi, lôch rnôk tât khâl Singapore. Lôch nĕ, wa mbra tât ta Hàn Quốc n’hanh Nhật Bản ta rơh tât khâl ndu đê̆ dak kan ndrel ta châu Á- Thái Bình Dương. Ôi nar 2/8, rơh mpăr rdeng wa Pelosi n’hanh mpôl nghị sĩ Mỹ lĕ jŭr ta ntŭk gŭ kan tahen kađăch Malaysia, tâm rnôk nău rnă njrăng geh mât lhăt jăp. Tâm rnôk gŭ ta Malaysia, wa Pelosi tât ntĭnh kruanh Hạ viện Malaysia Azhar Azizan Harun ê lor geh rơh tâm mâp đah Thủ tướng Malaysia Ismail Sabri Yaakob. Tĭng nău mbơh bâh báo chí bâh ntŭk kan kruanh Hạ viện Mỹ, rơh hăn khâl bâh wa Pelosi mbra rgum ta ăp nău tâm boh rnă njrăng, wăng sa n’hanh mât uănh ƀon lan ƀư tơm ta nkual Ấn Độ Dương  - Thái Bình Dương.

Nuĭh rblang: Thị Đoắt