VOV4.M’nông- Ntŭk kan kruanh Hạ viện Mỹ nar 31/7 lĕ ntơm mbơh tơih: Kruanh Hạ viện Nan xi Pê lô xi nchrăp tât khâl du đê̆ dak kan ndrel ta châu Á- Thái Bình Dương. Tĭng nĕ, Kruanh hạ viện Mỹ Nan xi Pêloxi mbra leo mpôl kan ăp nuĭh kan ndrel du đê̆ ủy ban n’hanh tiểu ban bâh Hạ viện Mỹ tât khâl ăp dak Singapore, Malaysia, Hàn Quốc n’hanh Nhật Bản. Rơh tât khâl mbra geh rgum ta ăp nău rnă njrăng, ăp dak kan ndrel mpeh wăng sa. Kruanh Hạ viện Mỹ, wa Pelosi n’hanh ăp nghị sỹ Mỹ mbra tâm nchră đah nuĭh leo kan ăp dak mpeh trong kan ntrôl ăp nău khlăy n’hanh nău geh ueh nsum geh nđâp đăp mpăn n’hanh rnă njrăng, n’hao nău hun hao wăng sa, tăch rgâl, nuh srê Covid-19, rơh rgâl mih sial trôk nar. Nău mbơh lah na nê̆ nău tâm ton bâh Mỹ đah nău khlăy bâh du Ấn Độ Dương  - Thái Bình Dương đăp mpăn n’hanh hun hao.

Nuĭh rblang: Thị Đoắt