VOV4.M’nông - Ôi 11/7, Thủ tướng Nhật Bản Kishida Fumio lĕ wơt Kruanh nchră nău Mỹ Blinkin tât Nhật Bản gay râng khĭt Thủ tướng ơm Abe Shinzo n’hanh nuĭh ƀon lan Nhật Bản. Wa lah rjăp Thủ tướng ơm Abe Shinzo lah nuĭh rgop mô ŏk r’ah an nău tâm boh kan ndrel Nhật-Mỹ, dăn đă trong kan geh tât nkual Ấn Độ-Thái Bình Dương dah rŏng n’hanh pơk hvi, geh âk nău kan têh tâm nău n’hao boăt nthoi đah ăp dak kan ndrel. Thủ tướng Nhật Bản Kishida mĭn lah mbra ndơn tay drăp ndơ bah Thủ tướng ơm Abe Shinzo, nsrôih ntrôl nău tâm boh kan ndrel Nhật-Mỹ. Chánh văn phòng Chính phủ Nhật Bản nkoch đŏng lah uĕh Tổng thống Mỹ lĕ đă Kruanh nchră nău Mỹ khâl Nhật Bản n’hanh râng khĭt Thủ tướng ơm Abe Shinzo.

Nuĭh rblang: Y Sưng Phê Ja