VOV4.M’nông - Kruanh nchră nău Nga Sergei Lavrov mbơh lor Mỹ n’hanh ăp dak phương Tây mô uănh đêt nău geh hạt nhân tâm rơh tâm lơh đah Ukraine aƀaơ. Tâm rơh ôp ta kênh tivi mhe ƀư, wa Lavrov an gĭt “mpeh nău ơm” NATO dôl râng tâm du nău ndơn kan đah Nga đah trong pă ndrăk nsiu an Ukraine. Rnôk dơi ôp mpeh nău tâm lơh aƀaơ dơi nkôp đah nău duh jêr grăp phao ŭnh Cuba năm 1962 n’hanh nău khlay bah nău dêr duh hao jêng du nău tâm lơh lam ntŭr neh, wa Lavrov lah Nga lĕ ƀư dŭt âk gay mât nău nking n’gang tâm lơh hạt nhân đah ăp trong. Kruanh nchră nău Lavrov mĭn lah đŏng nău ƀư tahen bah Nga gay mât njrăng ƀon lan dak aơ ta Ukraine n’hanh mbơh lor nău Mỹ n’hanh ăp dak phương Tây pă an ndơ tahen an Ukraine.

Nuĭh rblang: Y Sưng Phê Ja