VOV4.M’nông – Nar 21/7, Kruanh n’gâng kan tâm rnglăp nchră nău Hungary Peter Szijato lĕ tât Moscow gay mâp nuĭh tâm ban gưl kan Nga, Sergei Lavrov tâm nchră mpeh nău rwăt tay 700 rkeh mét khối gas bah Nga n’hanh joi trong mkra đăp mpăn an nău tâm lơh ta Ukraine. Ntoh ngơi ta rơh rƀŭn mbơh, Kruanh n’gâng kan Peter Szijato an gĭt gay đăp mpăn an ntŭk tăch ŭnh nar, Hungary an geh tay 700 rkeh m3 gas rlău ma tâm ton pă an jŏ jong aƀaơ đah Nga. Wa Szijito an gĭt tay ăp ntŭk ntêm nkrem gas bah Hungary aƀaơ mhe knŭng tŏng rlău 27% nău ŭch dŏng ăp năm bah dak aơ. Mpeh đah nơm, Kruanh n’gâng kan Sergei Lavrov an gĭt Nga dôl uănh mĭn tay ăp nău đă bah Hungary mpeh nău n’hao rwăt gas.

Nuĭh rblang: Y Sưng Phê Ja