VOV4.M'nông-Ấn Độ mhe geh mbơh na nê̆, nkual neh Afgahnistan mô dơi dŏng gay ma ƀư ntŭk ntĭm nti mpôl rlăng tâm nkual, nkre lah kuăl đă nău rjaih nău n’hanh đăp mpăn mpôl rnoi ta ngih dak Nam Á aơ. Nău bơh geh kruanh n’gâng kan mât rnă njrăng ngih dak Ấn Độ Rai Rai-nát Xinh (Rajnath Singh) ndơ̆ mbơh ta rơh rƀŭn nchră kruanh n’gâng kan mât rnă njrăng ngih dak bâh ntŭk kan tâm kơl Thượng Hải (SCO), geh ƀư ta U-dơ-bê-ki-xtan (Uzbekistan). Wa Rajnath Singh lĕ lah na nê̆ đŏng nău khlăy tâm nău pă kơl kon nuĭh n’hanh nău kơl an nuĭh ƀon lan Afghanistan. Tĭng kruanh n’gâng kan mât rnă njrăng ngih dak Ấn Độ, nău mât du ngih dak Afghanistan đăp mpăn n’hanh ueh lăng lah nău khlăy ngăn.

Nuĭh rblang: Thị Đoắt