VOV4.M’nông- Nar naơ 18/7, kruanh n’gâng kan mât rnă njrăng ngih dak Hàn Quốc wa Părk Jin ntơm rơh tât khâl Nhật Bản tâm rnôk 3 nar, tât nar 20/7. Aơ lah rơh tât khâl Nhật Bản bôk năp bâh wa Părk Jin đah nău kan lah kruanh n’gâng kan nchră nău dak bah dih Hàn Quốc. Nchrăp, ta rơh tât khâl wa Park Jin mbra tâm nchră đah nuĭh tâm ban nău kan  I-ô xi-ma-sa Hây-a-xi (Yoshimasa Hayashi) n’hanh tâm mâp Thủ tướng Nhật Bản Ki-si-đa Phư-mi-ô (Kishida Fumio). Ngoăy tâm âk nkô̆ nău khlăy geh âk nău knơm ta rơh tât khâl aơ lah bar ding mbra tâm nchră ăp trong kan na nê̆ gay ma ƀư ueh nău tâm boh kan bar ding, tâm nĕ rgum ta nău tâm trok nău khuch khat an ăp nuĭh pah kan geh nău lơh mbram ta rơh tâm lơh tâm su tal 2 lam ntur neh. Nău hạt nhân bâh gôl dak Triều Tiên dơi geh uănh lah nkô̆ nău ta lĕ rơh tât khâl aơ.

Nuĭh rblang: Thị Đoắt