VOV4.M’nông- Kruanh n’gâng kan nchră nău đah dak bah dih Hàn Quốc an gĭt, dơn nău jă bâh kruanh n’gâng kan nchră nău đah dak bah dih Vương Nghị, kruanh n’gâng kan nchră nău đah dak bah dih Hàn Quốc wa Park Jin mbra ƀư tât khâl Trung Quốc bâh nar  8-10/8.  Aơ lah rơh tât khâl bôk năp tât Trung Quốc kơp bâh ntơm wa Park Jin mât nău kan kruanh n’gâng kan nchră nău đah dak bah dih Hàn Quốc. Nchrăp ta rơh tât khâl, bar ding mbra tâm nchră mpeh âk nău kơt lah mô dŏng hạt nhân ta gôl dak Triều Tiên, nău ta Đài Loan, tâm kơl pă an tâm ban kơt trong kan njrăng rdâng grăp phao ŭnh THAAD. Ta năp nĕ, rnôk tât râng rơh rƀŭn nchră kruanh n’gâng kan nchră nău đah dak bah dih gâl têh Đông Á EAS tal 12 mhe geh ƀư dăch aơ ta Campuchia, wa Park Jin an gĭt Hàn Quốc kơl an nău kan du Trung Quốc, nkre lah na nê̆ mât đăp mpăn n’hanh ueh lăng ta njônh dak lêng Đài Loan lah nău kan an lor bôk năp gay ma ƀư tĭng đăp mpăn rnă njrăng n’hanh têh kuăng ta nkual.

Nuĭh rblang: Thị Đoắt