VOV4.M’nông - Nar 19/7, Kruanh N’gâng kan Prăk kaih Mỹ Janet Yellen an gĭt Mỹ mbra tâm nchră đah ăp kruanh Hàn Quốc ta thủ đô Sơ-un mpeh ăp trong mkra n’hŭch nău geh an Nga, tâm nĕ geh trong mkra n’hŭch rnoh pring xăng. Tâm nău ntoh ngơi nchrăp an rơh mâp đah nuĭh tâm ban gưl kan Hàn Quốc Choo Kyung-ho, Kruanh n’gâng kan Yellen an gĭt: 2 ding mbra sroh uănh rnoh khlay gay n’hŭch prăk kaih bah pring n’hanh ăp trong mkra êng tâm nău nsrôih dun Nga. Ta năp nĕ tâm nar, Kruanh n’gâng kan Yellen ư ăp rơh mâp êng đah Tổng thống Hàn Quốc Yoo Suk-yeol, Thống đốc Ngân hàng Trung ương Hàn Quốc Rhee Chang-yong n’hanh du rmôt ăp nuĭh wăng sa bu ur. Ntoh ngơi đah ăp bu ur doanh nhân ta Sơ-un, wa lah rjăp ntrôl nău tât râng bah bu ur tâm rmôt pah kan n’hanh an khân pơng dơi ntĭm rđău âk lơn mbra ntrôl nău geh wăng sa bah Hàn Quốc n’hanh Mỹ.

Nuĭh rlang: Y Sưng Phê Ja