VOV4.M'nông: Kruanh rđău kan ăp dak kơt Mỹ, Anh, Pháp n'hanh Đức hŏ geh rơh kuăl điện gay tâm nchră du đêt nkô̆ nău ta Ukraine n'hanh bôk nău kan hạt nhân bah Iran. Kruanh rđău kan ăp dak lah rjăp ŭch tĭng ăp nău nsrôih kơl mât njrăng bah Ukraine ta năp nău tât lơh ma tahen bah Nga, nkre tâm nchră nô nău ta nhih máy điện hạt nhân Zaporizhzhya. Ăp ding lah rjăp nău khlay bah nău der ăp trong hăn lơh ma tahen ta nkual dja tâm ban kơt nău khlay bah du rơh hăn khâl bah nhih pah kan ŭnh nar nguyên tử dak bah dih (IAEA) an dŭt ơm,  gay năl nô nău bah ăp trong đăp mpăn. Kruanh rđău kan ăp dak Mỹ, Anh, Pháp n'hanh Đức tâm nchră mpeh ăp rơh tâm nchră aƀaơ wăr bôk nău kan hạt nhân bah Iran, nău khlay nău tât kơl âk bah ăp dak ta nkual Trung Đông, n'hanh ăp nău nsrôih nsum gay lơh mbram n'hanh mpăng đêt ăp nău kan ƀư roh đăp mpăn ta nkual bah Iran.

Nuĭh rblang: Điểu Thân