VOV4.M'nông: Văn phòng Tổng thống Nga nar 12/7 an gĭt, Tổng thống Nga Vladimir Putin mbra rgum hop đah Tổng thống Thổ Nhĩ Kỳ Tayyip Erdogan n'hanh nuĭh ndrel gưl kan Iran  Ebrahim Raisi ta Tehran, Iran tâm nar 19/7 tât gay tâm nchră mpeh nô nău ta Syria. Aơ mbra lah hăn khâl dak bah dih tâl bar bah kruanh rđău kan Nga kơp ntơm bah rnôk Nga hăn lơh ma tahen mha êng ta Ukraine. Rlău ma rơh mâp 3 ding, Tổng thống Vladimir Putin mbra geh ăp rơh tâm nchră êng êng đah nuĭh ndrel gưl kan dak tơm jay Iran Ebrahim Raisi tâm ban kơt nuĭh ndrel gưl kan Thổ Nhĩ Kỳ Tayyip Erdogan đŏng. Bah năp nê nar 10/7, ta rơh kuăl điện tâm nchră đah wa Erdogan, wa Vladimir Putin hŏ lah rjăp nău khlay bah rơh mâp 3 ding đah I-ran, tâm ban kơt nău n'hao tahen ta Syria tĭng trong kan đăp mpăn gay kơl nău tâm ton rlu pănh ta Syria./.

Nuĭh rblang: Điểu Thân