VOV4.M’nông- Tổng thư ký Liên hợp quốc Antonio Guterres lĕ geh nău kuăl đă nuĭh ƀon lan Libya der geh nău tâm lơh n’hanh mât nău đăp mpăn. Nuĭh ntoh ngơi Tổng thư ký Liên hợp quốc, Stephane Dujarric an gĭt, Tổng thư ký An-tô-ni-ô Gu-tê-rết theo uănh nđôi n’hanh mĭn rvê mpeh ăp rơh ƀư rlăng dôl geh ta du đê̆ nkuăl ƀon têh ta mpeh luh nar, mpeh nhâp nar n’hanh mpeh ba dâng Libya. Ăp rơh ƀư rlăng geh ƀư gay ma dun nău kŏ văk mpeh chính trị aƀaơ n’hanh đă chính phủ rgâl mhe nău rêh bâh nuĭh ƀon lan. Tâm nău mbơh ndơ̆ luh, Tổng thư ký LHQ kuăl đă ăp nuĭh ƀư rlăng an der ăp nău tâm lơh n’hanh đă mpôl kan rnă njrăng ƀư nkân nkân lĕ ăp nău kan.

Nuĭh rblang: Thị Đoắt