VOV4.M'nông: Lôch kruanh rđău kan Triều Tiên Kim Châng-ưn hŏ mbơh nchrăp dŏng ndrak nsiu hạt nhân, Hàn Quốc an gĭt, dak dja dôl n'hao âk tahen n'hanh ntŭk nsan lơh nsum đah Mỹ gay rdâng lơh đah ăp nău tât ntêt nkri hạt nhân nar lơn ma hô bah Triều Tiên. Hàn Quốc mpơl nău yô̆ nđach mpeh ăp nău lah "ntêt nkri" bah wa Kim Châng-ưn n'hanh Seoul mbra mât rnă njrăng neh dak n'hanh nău đăp mpăn bah ƀon lan nsing ta trong tâm rgop dăng đah Mỹ. Liên Hợp quốc hŏ rlăch dun ăp nău mbơh bah Kruanh rđău kan Triều Tiên mpeh geh ma nău nchrăp rlong ndrak nsiu hạt nhân tâl 7 đŏng. Tâm du nău mbơh, Groi nuĭh ntơh ngơi bah Liên Hợp quốc – wa Farhan Haq lah rjăp, Liên Hợp quốc rlăch dun ăp nău kan geh tât nău dŏng ndrak nsiu hạt nhân n'hanh kuăl jă nthoi tay tâm nchră mpeh ƀư bah hạt nhân ta gôl dak Triều Tiên du trong an dŭt ngăch./.  

Nuĭh rblang: Điểu Thân