VOV4.M'nông: Liên minh châu Âu (EU) hŏ rvăt n'glăp 700.000 thŭng pring ăp nar bah Nga tâm khay 7/2022, hao bơi 1/4 nău ŭch geh rđĭl đah ndrel khay dja năm 2021. Aơ lah rnoh nchih dŭt mhe dơi ƀư tĭng groi nđôi pring Vortexa mbơh, an saơ nău nsing ŭnh nar bah EU tâm Nga, bol mpôl dja kuăl jă n'hŭch mbro tơm pă an ŭnh nar bah Nga. Kơp tât rnôk dja, Nga hôm lah dak pă an tơm pring dŭt têh đah EU đŏng, âk du n'gul rnoh pring ma EU rvăt n'glăp n'hanh 15% lĕ rngôch rnoh âk ŭnh nar tăch ta mpôl dja. nău ŭch geh rvăt n'glăp pring bah Nga mbra hôm hao tâm ăp khay tât đŏng tâm rnôk rnoh khlay dak ŭnh n'hanh điện hôm mô rlu hao, ƀư ăp tập đoàn công nghiệp têh bah EU ân rgâl jêng dŏng âk pring lơn./.     

Nuĭh rblang: Điểu Thân