VOV4.M’nông - Nău mbơh mhe ngăn bah Cao ủy Liên hợp quốc mpeh nuĭh gŭ ndê (UNHCR) an gĭt, kơp tât dŭt năm 2021, nklăp 89,3 rkeh nuĭh hăn trơn ta lam ntŭr neh yor khuch bah tâm lơh. Ntop hang rkeh nuĭh Ucraina hăn trơn ăp ntŭk êng mô lah hăn dak bah dih tâm rnôk rnoh ndơ dŏng hao ƀư âk nău rgâl ta ăp dak êng. Kơp dĭng lĕ, rnoh nuĭh hăn trơn lĕ hao ăp răch năm bah năp n’hanh rnoh aơ aƀaơ lĕ âk rlău 2 tơ̆ nkôp đah 42,7 rkeh nuĭh hăn trơn tâm năm 2012. Nuĭh kruanh Cao ủy Liên hợp quốc mpeh nuĭh gŭ ndê (UNHCR) mbơh, nău duh jêr rnă njrăng ndơ sông sa yor tâm lơh Ucraina ƀư mbra geh tay âk nuĭh ta ăp dak ach o hăn ntlơi ngih wâl, ntrôl rnoh trơn gŭ lam ntŭr neh hao âk ngăn.

Nuĭh rlang: Y Sưng Phê Ja