VOV4.M’nông - Rmôt kan dak lam ntŭr neh (WHO) nar 20/7 mbơh rnoh kơp an saơ nuĭh ntưp Covid-19 lĕ hao rlău 3 tơ̆ ta lam châu Âu tâm 6 pơh bah năp, geh bơi n’gul dĭng lĕ nuĭh ntưp ta lam ntŭr neh. Tâm rnôk nĕ, rnoh nuĭh ji lăp ngih dak si yor Covid-19 hao âk đŏng tâm lvang aơ. Tâm du nău mbơh, Kruanh WHO ta nkual châu Âu-Tiến sĩ Han Clu-giơ (Hanss Kluge) mbơh, Covid-19 hôm e “du nău ji jêr nchroh” ma ăp nuĭh ƀon lan mô thơ tha. Pơng an gĭt đŏng, ăp ntil săk mhe ngăch ntưp bah ntil Omicron dôl ntrôl trong ntưp chôt srê mhe ta lam lục địa n’hanh nău ntưp tay ƀư âk nuĭh ntưp geh đah “Covid jŏ jong”.

Nuĭh rblang: Y Sưng Phê Ja