VOV4.M’nông - Mỹ uănh năl lĕ geh âk nău rgâl uĕh tâm nău tâm nchră rdâk hao tay tâm ton hạt nhân Iran. Nău aơ ƀư an nău mĭn êng bah ăp ding tâm êp lơn, mpŏng ŭch tay an nău rdâk hao tâm ton hạt nhân Iran năm 2015 ơm lĕ geh tăch proăt. Ntoh ngơi ta rƀŭn mbơh, nuĭh ntoh ngơi N’gâng kan tâm rnglăp nchră nău Mỹ Ned Price an gĭt, ăp rơh tâm nchră hạt nhân đah Iran “tă geh ndruch” âk tơ̆ n’hanh nkô̆ nău way ntoh bah Iran. Yơn lah, wa Ned Price an lah, Mỹ lĕ saơ nău rgâl uĕh ta tâm nchră nău rdâk hao tâm ton hạt nhân Iran. Nău aơ an saơ, Iran n’hanh Mỹ dôl dŭt êp tât gay rdâk hao tâm ton hạt nhân Iran 2015. Tĭng wa Bô-ren, ntoh măt Gưl prêh mpeh nău kơl rnă njrăng n’hanh tâm rnglăp bah Liên minh châu Âu, ăp ding dơi tâm mâp ta pơh aơ gay ƀư ăp nău bah năp tay.

Nuĭh rlang: Y Sưng Phê Ja