VOV4.M’nông-Kruanh n’gâng kan nchră nău đah dak bah dih Mỹ, Hàn Quốc n’hanh Nhật Bản nar 8/7 lĕ geh tâm mâp ta bah dih rơh rƀŭn nchră kruanh n’gâng kan G20 ta Indonesia. Ăp ding lĕ tâm nchră nău nsrôih n’hao nău tâm kơl pe ding ta Ấn Độ Dương  -Thái Bình Dương n’hanh ăp ntŭk êng ta lam ntur neh. Tĭng nău mbơh bâh n’gâng kan nchră nău đah dak bah dih Mỹ, kruanh n’gâng kan nchră nău đah dak bah dih Antony Blinken ndrel đah kruanh n’gâng kan nchră nău đah dak bah dih Hàn Quốc n’hanh Nhật Bản lĕ ndrel tâm mbơh nău mĭn kan mpeh ăp nău ntul rlong bâh Trung Quốc, rơh tâm lơh bâh Nga ta Ukraine n’hanh nău nsrôih ta lam ntur neh gay ma kơl an ƀon lan Ukraine. Ăp ding lĕ tâm nchră ăp nău nsrôih tâm kơl pe ding ta Ấn Độ Dương  -Thái Bình Dương n’hanh ăp nkual êng ta lam ntur neh gay ma kơl an nău geh nsum n’hanh yor nău đăp mpăn, ueh lăng n’hanh têh kuăng ta nkual. Kruanh n’gâng kan nchră nău đah dak bah dih pe dak geh nău nchŭt dôih ăp rơh rlong grăp phao ŭnh bôk ndrak mô tâm di bâh Triều Tiên n’hanh tâm nchră ăp trong kan pơk hvi tâm kơl rnă njrăng pe ding.

Nuĭh rblang: Thị Đoắt