VOV4.M’nông: Nŭih kơl nchră nau kan đăp mpăn neh dak Mỹ Jake Sullivan hŏ vơt nŭih kơl nchră nau kan đăp mpăn neh dak Israel Eyal Hulata ta Thủ đô Washington. Tâm nar tâm nchră, bar ding tâm nchră âk nau kan geh nau tâm rnglăp bah nkuăl ndrel nau tâm boh ueh đah lam ntur neh Arab. Wa Sullivan lah rjăp nau ton bah Tổng thống Biden đah nau mât ndrel ƀư nâp nau dơi nkri ndrel mât êng bah Israel bah năp ăp nau tâm nkri geh tă bah Iran ndrel ăp rmôt ndơn nau kan yor Iran kơl an. Bar ding nkre tâm nchră nau nchră gưl prêh mpeh nau kan Mỹ-Israel dăch tât kŏ kơt lah ntrong kan pơk hvi ndrel ƀư nâp nau tâm boh bar ding tâm ăp nau tâm boh khlay ndrel mhe ntoh gay ma joi ntrong kan ân ăp nau ntul rlong lam ntur neh./.

Nŭih rblang: H’Thi