VOV4.M’nông- Mỹ mhe geh nău kuăl đă n’gâng kan Nga ngăch mplơ̆ tay nău dơi mât uănh ngih máy điện hạt nhân Zaporizhzhia n’hanh ăp ntŭk kan hạt nhân êng an Ukraine. Ntoh ngơi ta năp báo chí, thư ký báo chí chính phủ Mỹ kuăl đă Nga ngăch ndăn an bah ƀư ăp nău pah kan tahen ta ăp ntŭk kan hạt nhân bâh Ukraine n’hanh plơ̆ tay nău dơi mât uănh ăp ntŭk kan aơ. Păng lĕ an gĭt Mỹ dôl uănh nđôi na nê̆ ăp nău tât ta ntŭk kan hạt nhân Ukraine. Nkre lah, lah na nê̆ n’gâng kan Mỹ uănh năl n’hao âk nău tâm ton kan bâh n’gâng kan Ukraine tâm nău mât rnă njrăng hạt nhân tâm nău jêr aƀaơ. Tĭng nău mbơh tơih bâh n’gâng kan mât rnă njrăng ngih dak Nga, ngih máy điện hạt nhân dŭt têh ngăn ta châu âu Daporidia dŭt pơh ba năp lĕ geh Ukraine rdul lơh mbro, ƀư khuch trong điện cao thế n’hanh đă n’huch nău dăng bâh bar rmôt máy pơk điện.

Nuĭh rblang: Thị Đoắt