VOV4.M’nông - Rơh rƀŭn bah Hội đồng NATO-Nga lĕ ƀư ta Brúc-xen, Bỉ, lơ 12/1. Ntoh ngơi đah ăp nuĭh nchih nău jêh rơh rƀŭn, ntoh măt bah Mỹ lĕ kuăl jă Nga tâm nchră tay mpeh Ukraine nkre hŭch duh jêr  ta n’har bri đah Ukraine. Groi kruanh nchră nău Wendy Sherman, kruanh mpôl ntoh măt Mỹ, lah rjăp ăp dak tâm NATO geh ndrel nău ngơi tâm nău kuăl jă Nga yŭr duh jêr ta n’har bri đah Ukraine. Rơh rƀŭn bah Hội đồng NATO-Nga lah nău tal 2 tâm rnoh 3 rơh mâp tâm nchră têh ta châu Âu tâm pơh aơ. Bah năp nĕ, ăp kruanh dak Mỹ n’hanh Nga lĕ tâm mâp ta du rơh rƀŭn ăp ding bah tâm nchră đăp mpăn Mỹ-Nga ta Giơ-ne-vơ. Dak Mỹ n’hanh ăp dak kan ndrel châu Âu nar aơ (lơ 13/1) mbra geh du rơh mâp êng đah mpôl ntroh măt Nga ta Viên Tâm Rmôt kan Rnă njrăng n’hanh kan ndrel châu Âu n’hanh bôk nău tâm nchră mbra geh nău bah Ukraine.

Nŭih blang: Y Sưng Phê Ja