VOV4.M’nông - Tổng thống Mỹ Joe Biden an lah hôm e geh âk rmeh an trong mkra tâm nchră nău đah Nga n’hanh tă bah nĕ kơl dêr du nău tâm lơh ta châu Âu. Nău mbơh dơi Tổng thống Biden ndơ̆ tâm nău ntoh ngơi bah Nhà trắng kêng măng 15/2 (tĭng mông ta ntŭk), gay pă nău mbơh uănh joi an nuĭh ƀon lan Mỹ mpeh nu nău geh tât duh jêr ta lam ntŭr neh đah Ucraine n’hanh Nga. Tĭng Tổng thống Biden, nău N’gâng kan mât njrăng bri dak Nga mbơh du đêt ntŭk kan tahen dak aơ dôl rhoăt luh ntŭk gŭ jêh lôch ăp rơh nti êp n’har bri đah Ucraine lah nău uĕh, yơn ăp kruanh dak Mỹ mô hŏ lôch nău nĕ. Wa Biden an lah na nê̆ du rơh rdôl lơh tahen bah Nga an Ucraine hôm e dơi geh n’hanh du tơ̆ tay mbơh Nga mbra rdâng đah nău phong hô bah lam ntŭr neh.

Nuĭh rblang: Y Sưng Phê Ja