VOV4.M’nông: Ntŭk nkoch mbơh nau bah Australia lơ 13/5 mbơh, tâm rơh rƀŭn gưl prêh đah ăp rđau kan Mỹ ndrel ASEAN, Mỹ mbơh mpeh nau ntrŭnh rmôt mât mpông dak lêng tât nkuăl Ấn Độ Dương-Thái Bình Dương. Tĭng nê, Mỹ mra mbơh rnoh prăk khlay 60 rkeh đôla gay ma rdâng đah nau nkri mpeh nau mât đăp mpăn trong dak lêng nkuăl aơ. Tâm nê rmôt mât dak lêng Mỹ mra ntrŭnh du bôk duk tât gay ma ƀư nau kan ntĭm nti ndrel râng nau kan dak lêng nsum. Mỹ mra ƀư nau jao ăp duk bah rmôt mât dak lêng hŏ jêh lôch dŏng ân ăp dak Đông Nam Á. Nkre đă rmôt kan ntĭm nti gay ma n’hao nau dơi ân ăp ntŭk ƀư nau kan tĭng pháp luật trong dak lêng tâm nkuăl. Êng nê, Mỹ mra kơl an 150 rkeh đôla gay ma nchrăp ân ndơ ŭnh nar, ntuh kơl ân nau ntĭm nti ndrel n’hâm soan tâm nkuăl./.

Nŭih rblang: H’Thi