VOV4.M’nông: Lŏ rơh khâl Israel, Tổng thống Mỹ Joe Biden ndrel Thủ tướng Israel Yair Lapid hŏ ký nau tâm ton nsum njrăng rdâng Iran nkra ndrak nsiu blao bleo. Nau kan aơ geh ân lah mra ƀư rjăp lơn tay nau tâm boh kan nsum đah Mỹ-Israel. Nau ton lah nsum lah rjăp Mỹ ndrel Israel ton mô geh ân Iran dŏng ndrak nsiu phao bleo. Nau ton lah kŏ lah rjăp ăp nau dăng bah neh dak gay ma ƀư ân đăp mpăn nau nê. Nau ton lah geh ndâk rjăp tay nau kơl an bah Mỹ đah ăp nau geh dơi bah tahen tâm nkuăl ndrel nau geh mât đăp mpăn bah Israel. Mpeh săk nơm, Thủ tướng Israel hŏ rnê prêh nau ton đah 2 dak, uănh aơ lah nau dơi gay ma njrăng rdâng nau tâm lơh mra geh. Bah năp nê, Mỹ ndrel Israel hŏ âk tŏ nkah mra lơh lor lah Iran ƀư âk tay ndrak nsiu./.

Nŭih rblang: H’Thi