VOV4.M’Nông- Mỹ n’hanh 55 ngih dak nar 28/4 lĕ ký tâm ton chính trị gay ma ntrôl ăp nău way kan an Internet, tâm rnôk Mỹ ntôn Nga dŏng nglưh lơi internet kơt lah du gâl bâh ăp rơh rdul lơh hô ta Ukraine. Nău ton geh dơi uănh lah “Nău mbơh an nău rêh let năp tay bâh Internet” lah nău nsrôih bôk năp gay ma ntrôl nău mbơh đăp mpăn, mât êng nău kan bâh nuĭh dŏng n’hanh geh mbơh nău way an n’gâng kan wăng sa kĩ thuật mbrô lam ntur neh. Mpôl kan Mỹ an gĭt tay nău tâm ton aơ mô di lah nău nsrôih gay ma doh rklaih tâm rkeh ta mạng ma lah nău rgâl mhe bâh năm e gay ma rgum du rmôt kan ndrel ăp n’gâng kan ƀon lan ƀư tơm văr nău mpŏng uănh mpeh du Internet pơk n’hanh mô sŏk prăk. ăp ngih dak tât râng ndrel đah Mỹ geh Australia, Achetina, Bỉ, Canada, Đan Mạch, Grudia, Đức, Hy Lạp, Israel, Italia, Nhật Bản, Hà Lan, dak Anh n’hanh Ukraine.

Nuĭh rblang: Thị Đoắt