VOV4.M’nông- Mỹ n’hanh ăp ngih dak A rập lĕ tâm ban ŭch an lah, 2 ngih dak lah trong kan an rơh tâm rkeh bâh Israel- Palestine. Aơ lah rơh nsum dơi geh lôch rơh rƀŭn nchră gâl têh Mỹ- A rập mhe geh ƀư ta dŭt pơh ba năp, đah Tổng thống Mỹ Joe Biden n’hanh 6 dak kan ndrel bâh Hội đồng tâm kơl nkual njônh dak lêng. Ta rơh rƀŭn nchră, dŭt âk nuĭh leo kan ta Hội đồng tâm kơl nkual njônh dak lêng tâm nĕ geh dak Jordan Abdullah, Tổng thống Ai Cập Abdel Fattah Elsissi lĕ geh nkoch tât nău Palestine n’hanh Israel tâm nău ntoh ngơi ta rơh rƀŭn nchră, tâm nĕ lah na nê̆ trong kan 2 ngih dak. Mpeh đah nơm, Tổng thống Mỹ Joe Biden ta năp n’hanh ta rơh rƀŭn nchră lĕ lah na nê̆ nău kơl an jŏ jong n’hanh tâm ban đah trong kan 2 ngih dak, nkre lah kơp dơn nuĭh ƀon lan Palestine tâm di geh du ngih dak đăp mpăn, kan jăp.

Nuĭh rblang: Thị Đoắt