VOV4.M'nông: Tổng thống Joe Biden n'hanh Groi Tổng thống Kamala Harris hŏ wơt Tổng thư ký NATO Jens Stoltenberg ta Nhih klo nar 02/06. Ta rơh wơt, bar ding hŏ tâm nchră ăp nău tât khuch bah rơh tâm lơh tâm su Nga ta Ukraine đah rnă njrăng rloh rlău Đại Tây Dương tâm ban kơt nău khlay bah nău n'hao dăng njrăng n'gang bah NATO n'hanh đăp mpăn NATO geh tŏng ăp tơm ndơ nkra ăp trong ntul rlong bah rnă njrăng mạng an tât rgâl duh nđik trôk nar. Ăp ding rhơn rnê si ƀŭt dăn lăp NATO bah Phần Lan n'hanh Thụy Điển. Tổng thống Joe Biden mpơl nău ŭch âk đah ăp nău nsrôih bah Tổng thư ký NATO Jens Stoltenberg gay nta trong dơh an du rnôk  dăn lăp ngăch gay nkra bah nău rvê mpeh rnă njrăng bah lĕ rngôch ăp dak băl./.

Nuĭh rblang: Điểu Thân