VOV4.M'nông: Ta nkual ƀon têh Melbourne bah Australia, Ngoại trưởng 4 dak lăp kan nsum Nkôp puăn lah Mỹ, Nhật Bản, Ấn Độ n'hanh Australia mhe rgum hop gay tâm nchră mpeh ăp nkô̆ nău ma Nkôp puăn uănh khlay. Ta aơ, ăp Ngoại trưởng lah rjăp Nkôp puăn ntop kơl tay ăp dak tâm boh ta Ấn Độ Dương-Thái Bình Dương tâm rdâng đah ntul rlong  hô. Tâm nê lĕ ma pă an tay vaccine njrăng n'gang nuh srê Covid-19 n'hanh ntop kơl  ăp dak ntĭm nti nuĭh kan dak si, geh nău wĭ wĕ chuh vaccine, n'hao âk ndơ dŏng kan, lơn lah ndơ đâng nđik gay pă an vaccine geh nău tâm ban đah ăp nuĭh mô dơi tât, đăp mpăn nkrum lam vaccine đăp mpăn, geh nău dơi tam, rnoh khlay tâm di, đăp mpăn săk tam tât nkual tât chuh./.

Nuĭh rblang: Điểu Thân