VOV4.M'nông: Tâm rơh ôp đah báo chí, Hạ nghị sỹ đảng Dân chủ Mỹ Ro Khanna an gĭt, păng dôl nsrôih n'glăp Ấn Độ jêng dak tâl 6 bah Nhih pah kan tâm ton Tahen Bắc Đại Tây Dương (NATO) pơk hvi. Nău dja mbra nta trong dơh lơn an nău rdâk tâm boh njrăng n'gang neh dak dôl  hun hao đah bar dak n'hanh ton n'glăp Ấn Độ rƀŏng tât nău tâm rgop mpeh rnă njrăng neh dak đah Mỹ. wa Ro Khanna mpơl nău mpŏng, Quốc hội Mỹ mbra uănh dŏng nău rgâl dja tâm ăp rơh đại hội bah kơi tay. Bah năp nê, Hạ viện Mỹ hŏ uănh an dŏng du nău rgâl nkra đah luật Ủy quyền Quốc phòng. Rgâl nkra dja dơi ndơ̆ luh bah Hạ nghị sỹ Ro Khanna, geh nău khlay mpeh măt chính trị gay ƀư jru hvi lơn tâm boh njrăng n'gang neh dak đah Mỹ n'hanh Ấn Độ. 

Nuĭh rblang: Điểu Thân