VOV4.M'nông: Tơm nău lư Bộ Ngoại giao Mỹ nar ntri (7/4) an gĭt, Ngoại trưởng ăp dak lăp kan nsum tâm Nhih pah kan tâm ton tahen Bắc Đại Tây Dương (NATO) tâm rơh hop ƀư ta Bỉ pơh dja mbra tâm nchră mpeh nău mpŏng lăp nsum bah 2 dak Bắc Âu lah Thụy Điển n'hanh Phần Lan. Tĭng tơm nău lư dja, mpông lăp tâm mpôl tahen tâm rgop Đại Tây Dương dja way pơk mbro n'hanh NATO mbra tâm nchră mpeh nău n'glăp ăp dak mhe. Aƀaơ, Phần Lan n'hanh Thụy Điển mô hŏ geh du nău lah lôch nău mbơh bah Mỹ. Yơn lah, bah năp nê, đêt nar, Ngoại trưởng Phần Lan rnôk ơh nău ôp bah báo chí hŏ an lah, dak dja mbra mpơl kloh nău mĭn lăp NATO tâm ăp pơh bah kơi tay. Mpeh bah Nga, tâm rơh ơh nău ôp bah báo chí mhe aơ, nuĭh ntơh ngơi Điện Krem-lin Đmitri Pê-xkốp (Dmitry Peskov) hŏ an lah, lah Phần Lan n'hanh Thụy Điển râng NATO, Nga mbra plơ̆ ƀư tâm ban  tay kơt ơm ma ăp trong nkra êng./.

Nuĭh rblang: Điểu Thân