VOV4.M’nông: Jêh ăp nau tâm nchră geh nkol tâm Viên, Áo ndrel Brúc-sel, Bỉ, Châu Âu hŏ jêng du ntŭk duh khuch ngăn mpeh nau đăp mpăn rnôk ma Nga ndrel Phương Tây mô nsrŭng nau nkri nau kan tahen bah 2 ding. Đức, Mỹ ndrel NATO dôl n’hao ăp nau kan nsôih ƀư nau kan nchră nau gay ma ƀư bah oi nau duh jêr. Kruanh n’gâng kan Mỹ Antony Blinken geh rơh hăn khâl tât Ukraina ndrel Đức, nkre kuăl jă nau nchrăp ân du rơh tâm mâp đah Kruanh n’gâng kan Nga Sergei Lavrov tâm pơh ba kơi. Nkô̆ nau lah gay mbơh ân tâm ban ngăn nau tâm mâp dŏng tâm nau rklaih nau kan mât đăp mpăn bah Ukraina, nkre ntrŭt dăng ăp nau nsôih nsum bonh đă ăp ding săch nau kan nchră nau, n’huch nau duh jêr ngăn./.

Nŭih rblang: H’Thi