VOV4.M’nông: Nau mpŏng ŭch tâm nchră mpeh nau nthoi tay nau nchrăp nau kan ndrak nsiu Iran dôl ƀư tâm Viên, Áo dôl nkol rnôk ma ăp ding geh ăp nau ton lah tâm rlŏ. Tâm rnôk Nga ndrel EU ntoh nau rnơm ri Iran ndrel Mỹ, bar dak kan nsum tơm tâm nau nchrăp kan mô tŏng nau tâm rnơm ndrel nsôih leo luh ăp nau nchâp đă tâm nchră êng nơm. Wa Mi-khai U-li-a-nốp, ntoh măt ân nau geh jêng bah Nga tâm nau tâm nchră mbơh, ăp ding dôl êp tât ntŭk dơi. Bol ma mô nâp nau tâm nchră rơh aơ mra geh nau dơi, yơn wa U-li-a-nốp ân lah, nau tâm nchră dôl hăn tâm di trong ndrel knŭng hôm 3, 4 nau kan ndrel rklaih. Ndrel nau mĭn đah Nga, nŭih tâm nchră bôk năp bah Liên minh Châu Âu kŏ mĭn ueh mpeh nau dơi bah ăp rơh tâm nchră. Tam rnôk nê, Kruanh n’gâng kan Iran ri mô geh rnơm kơt ê. Păng ân lah, nau dơi bah ăp nau tâm nchră mra nsing tâm nau kan bah Mỹ./.

Nŭih rblang: H’Thi