VOV4.M’nông: Mỹ ndơn nau kan mpeh nau tâm nchră nau kan ndrak nsiu Iran ta Viên, Áo ân geh nsrŭng lơi. Aơ lah nau kan lah jăp bah nŭih ntoh ngơi N’gâng kan nchră nau Iran bah năp báo chí tâm lơ 4/4. Tĭng nŭih ntoh ngơi bah N’gâng kan nchră nau Iran, hôm ơm ăp nau kan hôm geh kol dôl ma kâp Mỹ rklaih ndrel Iran mra mô tât Viên yor ăp nau tâm nchră mhe mhe knŭng tât gay ƀư jêh nau nchrăp kan ndrak nsiu. Nau ton lah bah Iran gay mplơng mplơng nau kan nchră nau Mỹ tâm pơh bah năp nê ân gĭt, hôm âk nau kan kol tâm nau tâm nchră ndrak nsiu Iran ê geh rklaih, nkre kuăl jă Iran ngăch leo nau ntrŭnh. Tâm rnoh ăp nau tâm rkeh rnôk aơ geh nau kan Iran dôl đă Mỹ leo rmôt mât nau đăp mpăn cách mạng Islam (IRGC) luh bah rnoh ăp rmôt ƀư rlăng bah Mỹ. Mỹ hŏ dun lah ngăn nau đă aơ./.

Nŭih rblang: H’Thi