VOV4.M’nông: Chính phủ New Zealand hŏ ntrŭnh nau leo ntop tay 120 nŭih rđau kan tahen tât Anh gay ma ƀư ăp jrâu ntĭm nti ân tahen bah Ukraine. Tĭng nê, bar rmôt tahen bah Ukraine geh ntĭm nti ăp nau blau tâm ăp nau kan dŏng ndrak nsiu phao bleo, leo trong tâm lơh, kơl an săm kơl nŭih bôk năp ndrel ăp nau kan êng êng tâm ntŭk tâm lơh. Nau ƀư kan, dŏng ăp nŭih blau mpeh nau kan bah tahen bah New Zealand lah gay ƀư nau kơl an nau nchrăp ntĭm nti tahen ân nklăp 10.000 nŭih tahen bah Ukraine. Ăp nŭih kan kơl bah tahen neh dak bah New Zealand mra tât tâm Anh tâm rnôk pe pơh ba kơi ndrel geh ntrŭnh ntĭm nti tahen ân tât khay 11 năm aơ. Tât rnôk aơ, New Zealand đă tay dĭng lĕ 150 nŭih blau nau kan tahen tât Anh gay ma râng ăp nau ntĭm nti êng ân tahen Ukraine./.

Nŭih rblang: H’Thi