VOV4.M'nông: Nar 1/8, tâm nău lah ta rơh Tâm nchră gưl têh tăch rgâl Trung Quốc, Thủ tướng New Zealand Jacinda Ardern lah rjăp tâm boh đah Trung Quốc lah ngoăy tâm ăp trong tâm boh dŭt khlay bah dak dja. Lơn lah tâm trong kan tăch rgâl rnôk rnoh khlay tâm rgâl bar ding hŏ hao 1.000 tơ̆, ntơm bah rnoh 38 rkeh NZD tâm năm 1972 hao 38 rmen NZD tâm 50 năm bar dak hŏ njêng tâm boh. Mô dơn kơt nê̆, nău buăt nthoi đah nuĭh ƀon lan 2 dak dŭt dăng đŏng rnôk geh tât 5% rnoh nuĭh New Zealand geh tơm Trung Quốc, n'hanh 25 nkual ƀon têh bah ăp dak hŏ tâm njêng oh nô. Trong kan bah New Zealand đah Trung Quốc dôl nar lơn ma jêng kloh rvah lơn rnôk dak dja du ntil ŭanh khlay tâm boh tăch rgâl đah Trung Quốc, du ding hôm geh nău êng êng n'hanh kuăl jă Trung Quốc rgâl kan an tâm di đah nău geh bah New Zealand./.

Nuĭh rblang: Điểu Thân