VOV4.M’nông – N’gâng kan dak si an gĭt vaccine njrăng n’gang covid-19 kơt ntruh trôm muh bôk năp ta lam ntŭr neh, yor Ntŭk mĭn njêng Dịch tễ n’hanh vi sinh vật mpeh tâm N’gâng kan dak si Gamaleya mĭn njêng n’hanh hun hao lĕ dơi dăn dŏng ta dak aơ. Hãng thông tấn Tass ndơ̆ nău mbơh bah N’gâng kan dak si dak aơ an gĭt, ntil vaccine aơ dơi chŏl nău ji trôm muh nchăng n’gang covid-19 tâm trong n’hâm. Nău dŏng vaccine ntruh trôm muh dơi rêh n’hanh n’hao chŏl kaman tâm mham, tŏng dơi chŏl đah kaman Sar-cov2. Vaccine ntruh geh 2 ntil êng êng đah nar dŏng tâm ƀah 3 pơh, dơi dŏng an nuĭh rlău 18 năm deh, geh n’ăp nuĭh bah 60 năm deh let lơ. Kruanh N’gâng kan dak si Nga bah năp nĕ an gĭt nău dŏng vaccine njrăng n’gang Covid-19 kơt ntruh trôm muh dơi ndơ̆ ăp nău ntĭm dŏng an ăp nglai chuh ntop tay.

Nŭih blang: Y Sưng Phê Ja