VOV4.Mnông-Ta năp nău tât nkual neh geh ngluh âk nuĭh kan nchră nău đah dak bah dih, ndơn kan ngăn bâh n’gâng kan nchră nău đah dak bah dih dak aơ an gĭt mbra plơng lơh tay ăp nău kan mô geh ueh rdâng đah Nga. Nuĭh ntoh ngơi kruanh n’gâng kan nchră nău đah dak bah dih Nga mbơh an lah ăp dak phương Tây lĕ ntơm dŏng nău mbơh “Mô vơt ăp nuĭh nchră nău đah dak bah dih Nga” kơt lah du nău kan gay ma rdul lơh mpeh nău mbơh n’hanh chính trị đah ăp nuĭh kan nchră nău đah dak bah dih Nga. Matxcơva mbra geh nău mbơh tâm di đah ăp njoat hăn mô tâm di rdâng tay đah Nga. Nău mbơh bâh Nga geh ndơ̆ mbơh tâm rnôk ăp rơh ngluh lĕ ăp ndơ ăp nău kan nchră nău đah Nga luh ăp dak phương Tây. Kơp bâh ntơm Nga ntơm rơh pah kan tahen têh khlăy ta Ukraine, ăp dak châu âu lĕ ngluh bơi tât 400 nuĭh kan nchră nău đah dak bah dih Nga. Rlău ma nĕ, du đê̆ dak Baltic lĕ njur rnoh tâm boh kan đah Nga đah trong rgum lĕ đại sứ bâh khân păng ta Matxcơva sĭt dak nơm, nkre lah đă đại sứ bâh Nga luh ăp ngih dak aơ.

Nuĭh rblang: Thị Đoắ