VOV4.M’nông-Tổng Giám đốc ntŭk kan Hàng không vũ trụ Nga (Roscosmos), wa Bô-ri-xốp (Yury Borisov) an gĭt, Nga lĕ ntrŭnh rhoăt luh Trạm vũ trụ lam ntur neh ISS lôch năm 2024. Tĭng ntŭk kan vũ trụ Nga, Matxcơva ntrŭnh rhoăt luh Trạm không gian lam ntur neh ISS lôch năm 2024 n’hanh Nga mbra ntơm rdâk njêng trạm không gian bâh êng nơm. Wa Borixop rblang an lah, ăp rơh mpăr ta vũ trụ geh nuĭh ƀĭt bâh Nga an geh ƀư tĭng du bôk nău kan khoa học geh trong kan tơm n’hanh an tâm ban, gay ma ăp nău kan nsĭt tay an ngih dak ăp nău gĭt vât mhe tâm trong kan ka lơ trôk. Tât aƀaơ, nău kan ka lơ trôk lah ngoăy tâm du đê̆ trong kan tâm kơl đah Nga n’hanh Mỹ n’hanh ăp dak kan ndrel ê hŏ geh khuch tât yor nău duh jêr geh tât nău kan tahen bâh Ukraine.

Nuĭh rblang: Thị Đoắt