VOV4.M'nông: Nar 14/8, Nuĭh ntơh ngơi Bộ Ngoại giao Nga Maria Zakharova an gĭt, mpeh Nga hŏ nchrăp tâm dâl nău răp jăp đah Mỹ mpeh ăp njuat hăn na nê̆ mpeh tâm rgâl nuĭh gŭ ndrung. Lah đah báo chí rnôk nkoch tât doanh nhân Viktor Bout, dôl gŭ ndrung 25 năm ta Mỹ đah nău ntôn tăch rgâl ndrak nsiu, nuĭh ntơh ngơi Bộ Ngoại giao Nga lah rjăp, dak dja mbra an du rơh tâm dâl nău gay tâm nchră ăp njuat hăn na nê̆ an nău tâm rgâl nuĭh gŭ ndrung. Bah năp nê, Mỹ hŏ dăn đă Nga tâm rgâl luh nuĭh gŭ ndrung Viktor Bout gay rgâl sŏk Brittney Griner, geh nchŭt dôih ta Nga yor tăch rvăt n'hanh mât prăp ma túy n'hanh Paul Whelan, nuĭh geh nchŭt dôih mpeh mbơh nău lư bar măt. Mhe aơ, tâm rơh kuăl điện tâm nchră đah Ngoại trưởng Nga Sergey Lavrov n'hanh Ngoại trưởng Mỹ Antony Blinken, bar ding hŏ nkoch tât n'hanh tâm ban ŭch trong nkra tâm boh lah tâm di gay nkra nkô̆ nău dja đŏng./.

Nuĭh rblang: Điểu Thân