VOV4.M’nông – Đặc phái viên Nga ta ăp rơh tâm nchră ta Vienna-Mikhail Ulyanov lĕ ngơi an lah ăp rơh tâm nchră rdâk nkra tay Tâm ton hạt nhân (hôm kuăl lah Trong nchrăp ƀư lĕ rngôch nsum) (JCPOA) mbra ơm dơi nthoi tay. Nchih tâm Twetter êng nơm, Đặc phái viên bah Nga an gĭt, ăp mpôl ntoh măt geh trong nchrăp plơ̆ tay Vienna jêh bơi 5 khay an rlu n’hanh lĕ nchrăp an ăp rơh tâm nchră geh trong ndâk njêng gay jêh tâm ton. Bah năp nĕ, âk hãng truyền thông lĕ nkoch ăp nău mbơh an gĭt rơh tâm nchră mpeh ƀư ta Vienna tâm nar nđaơ (4/8). Geh tât Tâm ton hạt nhân, Ntoh măt rnâng kan bah Iran ta Liên hợp quốc Majid Takht-Ravanbchi an gĭt dak aơ mbra plơ̆ tay ƀư tĭng tŏng ăp tâm ton tâm trong nchrăp ƀư lĕ rngôch nsum (JCPOA), rnôk dak aơ dơi tŏng ăp bah Mỹ mpeh ăp nău geh wăng sa na nê̆.

Nŭih blang: Y Sưng Phê Ja