VOV4.M'nông: Nar 20/6, Groi kruanh Hội đồng an ninh Nga Dmitry Medvedev an gĭt, Nga mô hŏ kâp tâm nchră đah Mỹ mpeh ntlơi ndrak nsiu hạt nhân an tât rnôk Washington plơ̆ êng tâm nchră. Tâm nău nchih ta Telegram, wa Medvedev nchih, aƀaơ Nga mô geh du nău tâm boh đah Mỹ. Mô hŏ kâp tâm nchră đah Mỹ mpeh ntlơi ndrak nsiu hạt nhân. Nău dja geh khuch an Nga. Ân khân păng joi tât n'hanh dăn tâm nchră. Aƀaơ tâm ton koh n'hŭch ndrak nsiu lơh têh (START) đah Nga n'hanh Mỹ hôm geh nău tam đŏng. Nău tâm ton dja hŏ dơi Tổng thống Mỹ Barack Obama n'hanh Tổng thống Nga Dmitry Medvedev ơm ký đah jong 10 năm tâm năm 2010. Mỹ n'hanh Nga lôch nê hŏ tâm ban ŭch njong tay nău tâm ton START mhe an tât nar 4/2/2026.

Nuĭh rblang: Điểu Thân