VOV4.M’nông – Nar nđaơ (16/8), Tổng thống Nga Vladimir Putin mbơh, Nga mbra pơk hvi kan ndrel tahen đah ăp dak kan ndrel, mbra pă an ăp dak aơ ăp ndrăk nsiu mhe ngăn. Ntoh ngơi ta mpla nsơ ndrăk nsiu ăp năm ƀư ta bah dih Mát-xcơ-va, Tổng thống Putin lah rjăp tât nău tâm boh nâp nâl, dăch dêh đah ăp dak Mỹ Latinh, châu Á n’hanh châu Phi, mbra pă an ăp dak kan ndrel ăp ntil ndrăk nsiu, bah jêt tât ndeh sar, pháo, ndeh păr tâm lơh n’hanh ndeh păr mô geh nuĭh ƀĭt. Tĭng wa Putin, nău kan ndrel aơ mbra kơl mkra ăp nău rnă njrăng lam ntŭr neh n’hanh nkual tĭng tâm luật pháp lam ntŭr neh, tâm pă nău kan n’hanh nău geh nsum, rgop mât lam ntŭr neh âk ding.

Nuĭh rlang: Y Sưng Phê Ja