VOV4.M'nông: Nar 19/08, ta nkual ƀon têh Sochi-Nga hŏ ƀư rơh tâm nchră bah Tổng thống Nga V.Putin n'hanh Tổng thống Kazakhstan K.Tokayev. Bar kruanh tâm nchră ăp nkô̆ nău hun hao tay tâm boh têh jong n'hanh tâm boh tâm brê Nga-Kazakhstan". Bar dak dôl ƀư ăp trong nchrăp kan têh, pah kan tâm ăp trong kan công nghệ mhe đŏng, kơp lĕ ma tâm trôk nar. Uănh nsum, nău kan ƀư khuh n'gôr ta ăp ntil ndơ, tĭng trong rƀŏng uĕh. Tổng thống Putin mpơl nău rhơn an lah, rơh mâp bah khân păng njêng tay an nău hun hao bah tâm boh têh jong dŭt nsing nơm đah Nga n'hanh Kazakhstan. Lah ta rơh mâp, Tổng thống V.Putin lah rjăp an lah, năm aơ Nga n'hanh Kazakhstan  nkah ndray 30 năm njêng tâm boh tâm khay 10. Du rut âk nău kan êng êng dôl dơi nchrăp an nar dja./.

Nuĭh rblang: Điểu Thân