VOV4.M'nông: Ngoại trưởng Nga n'hanh nuĭh ndrel gưl kan Thổ Nhĩ Kỳ hŏ geh rơh tâm mâp bah meng rơh Tâm nchră ngoại trưởng Rmôt 20 dôl ƀư ta Indonesia. Bar ding hŏ tâm ôp nău mĭn mpeh tâm lơh tâm su ta Ukraine. Ta rơh hop, Ngoại trưởng Nga Sergey Lavrov nduih lah Ukraine đah nău ntop kơl bah phương Tây hŏ mpơl nău hưp lơh ma tahen n'hanh lah rjăp, Nga mô rong dơm an  nău kan kơt nê̆. Nkre nduih lah Ukraine hŏ hăn teng tih trong tâm ton hŏ dơi geh. Nău mbơh ndơ̆ luh lôch rơh hop an gĭt, bar ngoại trưởng hŏ tâm nchră mpeh ăp ntul rlong dak bah dih, ntĭt kơt tâm boh đah Nga n'hanh Thổ Nhĩ Kỳ ta Biển Đen, geh tât nău rdeng tuh kuah bah Ukraine. Tâm nchră tay mpeh pah kan nchrăp an rơh mâp gưl têh đah Tổng thống Nga n'hanh Tổng thống Thổ Nhĩ Kỳ bơi tât./.

 Nuĭh rblang: Điểu Thân