VOV4.M'nông: Nar ntri (15/4), Nga n'hanh Ukraine hŏ ƀư rơh tâm rgâl tahen gŭ ndrung tâl 4 kơp ntơm bah rnôk 2 dak ntoh tâm lơh. Tĭng groi Thủ tướng Ukraine Vê-rét-chắc (Iryna Vereshchuk), geh 30 tahen gŭ ndrung Ukraine, tâm nê geh 8 nuĭh ƀon lan ngăn dơi mƀơk luh tâm rơh dja. Yơn lah mô gĭt dah âk tahen gŭ ndrung Nga dơi mpeh Ukraine mƀơk luh rơh dja. Ukraine n'hanh Nga hŏ ƀư rơh tâm rgâl tahen gŭ ndrung lor bôk năp tâm nar 24/3. Geh tât nkô̆ nău tahen gŭ ndrung, mpeh Nga ntôn phương Tây rdâng  lơh tay Nga đah manh ti bah Ukraine rnôk tâm rnoh ăp nuĭh geh nhŭp krŭng tâm rơh lơn hăn ma tahen mha êng bah Nga ta Ukraine geh lĕ ma tahen bah NATO.

Nuĭh rblang: Điểu Thân