VOV4.M’nông- Nga n’hanh Ukraine mbra plơ̆ tâm nchră đăp mpăn trực tuyến ta nar 1/4 lôch rơh tâm nchră mhe aơ lôch ta Thổ Nhĩ Kỳ rnôk nar 30/3. Lôch rơh tâm nchră sŏng dăng đah Nga-Ukraine ta Istanbul, ntŭk kan Tổng thống Nga uănh năl ê hŏ dơi geh ton du nău yor bar mpôl kan hôm nha geh nău kan, yơn lah mpeh đah Ukraine lĕ ntơm geh nău kan ueh lơn. Hôm mpeh tâm nchră Ukraine David Arakhamia an gĭt, dak aơ lĕ dăn đă leo ƀư rơh tâm nchră gâl têh yơn mpeh đah Nga lĕ dun an lah, bar ding an geh nău pah kan âk lơn tay mpeh du nău nchrăp tâm ton kan. Aƀaơ bar ding mô tâm ban nău mĭn mpeh nău Nga đă Ukraine ŭch Crimea lah Nga mât uănh, lôch Nga geh nglăp gôl dak aơ ta năm 2014 tâm ban kơt đă Ukraine kơp dơn nău kan nglah êng bâh 2 nkual gŭ n’glah êng Donetsk n’hanh Lugansk ơm geh nglah luh nău mât uănh bâh chính phủ Ukraine bâh năm 2014.

Nuĭh rblang: Thị Đoắt