VOV4.M’nông - Nar 15/8, ta công viên Patriot-bah dih nkual ƀon têh Matxcơva-Liên bang Nga lĕ ntơm ƀư rƀŭn kỹ thuật-tahen lam ntŭr neh Army-2022 n’hanh Hội thao tahen lam ntŭr neh. Ƀư jŏ tât nar 21-8, đah nklăp 1.500 rmôt kan công nghiệp quốc phòng bah Nga n’hanh dak bah dih mbra nkoch rlău 28.000 ntil ndơ tahen dŏng, ndơ dŏng mhe. Ăp nău dơi dŏng ndrăk nsiu n’hanh ndoh ndơ bah Nga mbra dơi nkoch ta công viên Patriot-bah dih nkual ƀon têh matxcơva, ta tach ndeh părr Kubinka n’hanh ntŭk nti pănh Alabino, ta lĕ rngôch quân khu n’hanh Hạm đội Phương Bắc, kơt rlău 30 nkual bah Nga. Ăp tahen bah 72 dak râng rƀŭn, Ntoh ngơi ta ntơm ƀư, Tổng thống Putin lah rjăp, rƀŭn djôt tât an ăp nuĭh way kan tahen dak bah dih dơi ƀư uĕh lơn gay ƀư bên đah nău hun hao công nghiệp quốc phòng kơt dŏng nău mĭn njêng mhe, công nghệ thông tin n’hanh vô tuyến điện mhe ngăn.

Nŭih blang: Y Sưng Phê Ja