VOV4.M’nông: Kruanh n’gâng kan Nga Sergey Lavrov lah rjăp, Nga ŭch Ban Thư ký Liên hợp quốc, lor ma ndơ̆ luh ăp nau ton lah êng geh tât nau ntrŭnh bah Nga kơp dơn jâng đăp mpăn bah bar nkuăl neh nkah êng tâm mpeh ba dâng lah Donetsk ndrel Lugansk, mra nsing trâm ăp nau tâm ton bah ntŭk kan aơ, tâm ban đah ăp nau ntrŭnh bah ăp dak kan nsum. Ntoh nau tâm ntŭk nkoch mbơh nau klơ tivi Rossiya-24, wa Lavrov lah rjăp, Ban thư ký Liên hợp quốc ngăn lah ƀư tĭng nau ntrŭnh bah ntŭk aơ nchră. Nê lah nau ntrŭnh geh nau khlay đah ăp nkô̆ nau ƀư nau kan ndrel nkô̆ nau bah Hiến chương Liên hợp quốc kŏ kơt lah nau ntrŭnh hŏ geh tâm ban nau ƀư tâm ban tâm nchră di nau./.

Nŭih rblang: H’Thi